SoundCloud
KU LUNGA TWALELUNGA
Abalunshi te baluunshi. Benda babili atemwa batatu. Nangu benda bucebuce ngo tucece! Nga ba buuma, balasushanya ati: Shi Mumbo na iwe uli wa mumbo, Kuti wapanya kapoli na apo uli? Ni Shi Mulenga e wali walenga, nga nacimulasa ifumo mwi fumo. Shi Bwalya acimona apita pa mupaapa apa, akubula kupapa, nga ali apapa! Shi Mumbo ni Cinkanda, pantu atemwa ukutobela cikanda. Filya batila ‘ukusosha uwashinka ku mwakanya,’ ba mwakanya akanani nga akanya. Nalimo cipumbu? Awe, iyo! ‘Umupumbu ni ulya atila, ‘Lesa takwaba,’ uku napunamina uko aaba! Nalimo ni co ‘amano uli weka, tayashinguluka ikoshi? Yalashinguluka! Mukacite ifi: Mwasenda uwabula mano, mwa mutwala pa kapanga, kwati muleimba kapanga. Mwasomona ulupanga, mwa mutoba pa kapanga! Nga yati lobolobo! Akapanuna amenso nga kakoshi! Mukamona amano mwi ‘koshi. Ifi efyo bafundile na Kapaanga, umwine wa kalya kene kapanga. Ilyo aleepanga ifya kupangapanga, uku alepaanga ukui...